За разлика од класичниот, Системскиот НЛП припаѓа на петтата генерација во развојот на НЛП како наука и претставува повеќе од збир на практични техники за подобар личен и професионален развој!
Системскиот НЛП е базиран на принципите на системскиот пристап и методологија.
Индивидуата е дел од еден поголем систем во секаков вид на партнерство, семејство, тим, организација, во општеството.
Системскиот пристап ги идентификува процесите на комуникација и однесување во системот, базирани на вредностите и уверувањата на групата, т.е. системот.
Сите динамики на семејните системи од каде што доаѓаме се испреплетени во позадина на однесувањето, дејствувањето, мотивацијата, одлучувањето, како и сите други секојдневни лични и професионални процеси.
Откривањето, разбирањето и разрешувањето на несвесните обрасци, т.е. динамики во било кој тип на системска релација, може да креира значајна промена во перцепцијата, однесувањето и дејствувањето.
Овие динамики пак не можат да се разрешат без да се разбере динамиката на групата, на системот.
Системскиот пристап бил развиен со цел да се смени фокусот од индивидуата кон поширокиот систем, и од таа перспектива да го поддржи нејзиниот развој, лидерството и организациската виталност во сите типови на системи, лични или корпоративни.
Системските динамики не одговараат на проценки на личност, тимски профили и други модели. Тие се основа на сите рационални интервенции и бараат да бидат откриени само преку практична системска интервенција.
Системскиот НЛП овозможува рамка за откривање на системските семејни динамики, кои се видливи преку однесувањето на индивидуата, нивно разрешување и разбирање, што всушност е од клучно знчење во креирањето на ефективни промени во секојдневниот живот.
А со примена на современтите алатки на Системскиот НЛП промените се едноставни и многу полесни.
Со идентификување на динамиките во семејниот или организацискиот систем, се менува фокусот од индивидуата кон поширокиот систем, бидејќи со работа само на ниво на личност може да се отстрани симптомот, но динамиката која што припаѓа на ниво на систем едноставно повторно ќе се појави и ќе биде изразена во друг контекст.
Промената на фокусот кон поширокиот систем пак овозможува подобро разбирање како функционира индивидуата во системот и самиот систем, семеен или организациски како целина, што ресултира во развивање на самосвесноста и емоционалната интелигенција.
Системскиот НЛП, поради нелинеарното размислување и системската интервенција, овозможува нови извори и решенија за разрешување на секаков вид на тимска или организациска динамика, развивање на системска перспектива и разбирање на комплексните динамики во семејните и организациските системи, како и развивање на колективна перцепција и системско лидерство.
Вистинска промена се случува само доколку ги разбереме семејните и организациските поврзаности и динамики. Доколку не ја знаеме минатата структура и не ја погледнеме индивидуата од една поширока димензија, тогаш никогаш нема да разбереме што е тоа што пробуваме да го смениме.
